ललितपुर जिल्लाको दक्षिणी भेकका ५ वटा तामाङ बाहुल्य गाविसहरुलाई मिलाएर " कोन्जेसोम " गाउँपालिका बन्ने भएको छ ।तामाङ जातिको अत्याधिक बाहुल्यता रहेको नल्लु ,भार्देव, चौघरे ,शंखु र दल्चोकी गाविसलाई तामाङ जाति संरक्षित केन्द्रको रुपमा "कोन्जेसोम " गाउँपालिका प्रस्ताव गरिएको छ। तामाङ बाहुल्य क्षेत्रहरुलाई समेटिएर गाउँपालिका बन्नु र त्यसमा पनि तामाङ भाषामै नामकरण गर्न सकिनु आफैंमा ठुलो उपलब्धि हो ।स्थानीय निकाय पुनःसंरचना प्राविधिक समितिले सात तहको प्रस्तावित खाका स्थानीय निकाय पुनःसंरचना आयोगलाई पठाएको छ जसमा करिव १५ हजार जनसंख्या रहेको कोन्जेसोम गाउँपालिका समिटिएको छ।नल्लु र चौघरेको सिमाना काम्लेचौर गाउँ पालिका केन्द्र बन्ने भएको छ ।
नल्लु गाविसको हालको वडा नं १,२,६ र ७ को वडा केन्द्र चन्दाघाट झोलुंगेपुल र ३,४,५,८ र ९ लाई गाविस भवन नाम्सा प्रस्ताव गरिएको छ ।भारदेउको १,२,६ र ७ वडालाई रेडक्रस भवन र बाँकी वडाहरुलाई पौवाचौर प्रस्ताव गरिएको छ ।चौघरेको १,२,३,७ र ८ वडा को सिमभन्ज्याङ र बाँकी वडाहरुको वडा केन्द्र काम्लेचौर रहने भएको छ । शंखुको माथिल्लोको वडा केन्द्र मगरगाउँ वडाकेन्द्र प्रस्ताव गरिएको छ ।दल्चोकी ४,५,७ र ९ को वडा केन्द्र खहरे र बाँकीको हालको गाविस भवननै कायम हुने छ । प्रस्तावित कोन्जेसोम गाउँपालिकामा जम्मा १० वटा वडाहरु रहनेछन् जसमा नल्लुमा १ र २ ,भारदेउमा ३ र ४ ,चौघरेमा ५ र ६ ,शंखुमा ७ र ८, अनि दल्चोकीमा ९ र १० रहनेछन् । नेपाल सरकारले प्रस्ताव गरिएको दलचोकीदेखिको ट्रेकिङ रुट ,चौघरेको राष्ट्रिय ढुंगा खानी यसै गाउँ पालिका मा रहेको छ । काठमाडौं उपत्यका र हिमाली दृश्यावलोकन गर्न सकिने उच्चा पहाडी रेन्जहरु यहाँको विशेषता हो ।चिसो मौसम ,खुल्ला आकास र समृद्ध तामाङ परम्परा यहाँको आकर्षण र गहना हो ।
